नेपाली एस्पेक्स अयौनिक-अप्रणयात्मिक (एस-एरो) छाता भित्र पहिचान गर्ने व्यक्तिहरूको समुदाय हो। 

हामी दुई वर्ष पहिले इन्स्टाग्राम पृष्ठको रूपमा सुरु भएका हौँ - यो हाम्रो संस्थापक डा. मनिता नेवा खड्गीले नेपालमा ASPEC भनेर पहिचानिने व्यक्तिहरुसंग सम्पर्क गर्न र एउटा समुदाय बनाउनका लागि गरेको हताश प्रयासको परिणाम हो।

हामी इन्स्टाग्राममा हाम्रो ह्यान्डल, @NepaliAsexuals द्वारा चिनिन्छौं - आफूलाई नेपाली एस्पेक्स भनेर चिनाउने निर्णय हामीले एस-एरो छाता भित्र समेटिने कोही पनि बहिष्कृत महसुस नगरुन भनेर हो।

हाम्रो समुदाय बिभिन्न यौनिक, लैंगिंक , र प्रणयात्मिक अभिमुखिकरण / झुकाव र पहिचान भएका, जीवनका सबै क्षेत्रका व्यक्तिहरुले बनेको छ।